Arratek Ligari ekingo dio ostiralean, Ipuruan

ESKUBALOIA. Ostiral honetan ekingo zaio berriro Asobal ligari, Munduko Txapelketa dela-eta hilabete pasatxo etenik egon eta gero. Arratek ostiralean bertan jokatuko du, Ipuruan, Alcobendasen aurka (21:00). Irabazi beharreko partida da Arraterentzat, Alcobendas azken-aurrena baita, eibartarrek baino puntu bakar bat gutxiagorekin. Bi taldeok diru arazo larriak dituzte, batez ere Alcobendasek. Hori dela eta, dozena erdi jokalari baino gehiagok taldea utzi dute azken asteetan.