Arretxe II.ak ordezkatuko du Saralegi etzi, Azkainen

ESKU-HUSKA. Iker Arretxek jokatuko du Ekaitz Saralegiren ordez, etzi, Azkainen. Amezketako aurrelariari eskuko kailua ireki zaio, eta atzo jokatzen saiatu zen arren, ezingo du jokatu. Arretxeren alboan Ibai Zabala egongo da, jakina zen bezala Ruben Belokik eskua minduta duelako. Burlatakoak eskuko zurda bat minduta dauka, eta zail izango du binakakoan berriz jokatzea.