Arribas: «Konfiantza izan behar dugu geure buruan»

OSASUNA. Alejandro Arribas Osasunako erdiko atzelariaren arabera, buruan dute arazorik larriena. «Konfiantza izan behar dugu geure buruan. Orain arte, ez dugu izan». Arribasek garrantzia kendu zion Betisen aurka golik jaso ez izanari, horrek ez zuelako balio izan irabazteko. Bestalde, Jose Luis Mendilibarrek Damia Abellaren ordezko bat topatu beharko du Atletico Madrilen aurka jokatzeko, kataluniarrak partida bateko zigorra bete behar baitu.