Asteartean esango dute non jokatuko den finala

ESPAINIAKO KOPA. Espainiako Federazioak asteartean jakinaraziko du non jokatuko den Espainiako Kopako finala. Athletic, Bartzelona eta federazioko ordezkariek bilera egin zuten atzo, baina ez ziren ados jarri. Athleticek Sevillan jokatu nahi du, La Cartujan (60.000 ikusle), maiatzaren 20an. Aldiz, Bartzelonak Madrilen jokatu nahi du, Vicente Calderonen (54.851 ikusle), maiatzaren 25ean.