Astillerok irabazi zuen atzo KAE 1 ligako hamabigarren estropada Camargon (Kantabria, Espainia). Hamargarren bandera lortu zuen jarraian, honenbestez. Pasai Donibane izan zen bigarren, ohi bezala, baina dezente estutu zuen ligako nagusia. Bederatzi segundoko tartea egon zen bi traineruen artean. Hirugarren Santurtzi izan zen, garaileengandik hogei segundora. Behealdean, Busturialdeak beste puntu batean gehitu du Ondarroarekiko tartea, eta gertuago dauka jaisteko kanporaketa ez jokatzea.
Gaur, beste jardunaldi bat izango du ligak. Hondarribian izango da, 17:30etik aurrera. Lehenago, 17:00etan, emakumeen Txingudi Bandera jokatuko da, bost parte-hartzailerekin: Getaria-Tolosa, Zumaia, Hondarribia, Ur Kirolak eta Bizkaia. Kontxako estropadaren atarian dira traineruak, eta aukera polita daukate gaur prestakuntza doitzeko. Getaria-Tolosa da gaur irabazteko hautagaia.
Astillerok irabazi du Camargon, baina Pasai Donibane gertu duela
Gaur, Hondarribian ariko dira KAE 1 ligakoak, eta aurretik emakumeen estropada egongo da
Iruzkinak
Ez dago iruzkinik
Ordenatu
