KAE ligetako bi lehiaketetan, Astillero eta Getxo nabarmendu ziren igandean. Espaniarrek zazpigarren bandera irabazi zuten, Pasaian, eta bizkaitarrek, hirugarrena, Santanderren (Espainia) -hirurak erlojuaren aurka-. Astillerok irabaztea ez da albiste, baina bai lehen hiru sailkatuak 11 segundoren barruan sartzea. Pasai Donibaneri 9 atera zizkion KAE 1 ligako liderrak, eta 11 Orio B-ri. Nabarmendu beharra dago oriotarren lan bikaina. Zapatuan bezala, hirugarren egin zuten. Behealdean, Portugaletek nahiz Ondarroak arrisku galanta dute ez jaisteko kanporaketa jokatzeko.
KAE 2 ligan, Getxoren atzetik, Santoña eta Trintxerpe sailkatu ziren, hirurak segundo baten barruan. Antolakuntza arazoak tarteko, bi orduko atzerapenarekin hasi zen estropada, eta lerrokatuta aritu ordez, erlojuaren aurka jardun zuten ontziek.
Astillerok zazpigarrena, eta Getxok hirugarrena
KAE 1 ligan, Orio B-ren lana ere nabarmendu behar da, asteburuko bi estropadetan hirugarren izan delako
Iruzkinak
Ez dago iruzkinik
Ordenatu
