Derbi historikoa jokatu dute Realak eta Athleticek. Lehenengoz, Anoetan jokatu dute bi taldeek eta harrera ona egin diete zaleek. 21.500 ikusle bildu dira Anoetan. Futbolariek gol festa eskaini diete jarraitzaileei, eta zaleek giro beroa. Partidaren une batean, olatua egin du Anoetak.
ðŸÂÂŽ¥ OLATUA ANOETAN!!! ðŸÂŒŠ ðŸÂŒŠ 🔵⚪ï¸ÂÂÂÂ🔵 #GoazenNeskakpic.twitter.com/5ZD2x3XekG
— Real Sociedad Fútbol (@RealSociedadEUS) 2018(e)ko maiatzaren 13(a)
Emaitzari dagokionez, berriz, 1-4 gailendu zaio Athletic Realari. Nagusi izan dira txuri-gorriak partida hasieratik. Lehenengo gola 23. minutuan egin du. Realeko Sandra Ramajok zorte txarrez sartu du baloia bere atean. Bederatzi minutu beranduago, Erika Vazquezek egin du Athleticen bigarrena. 0-2koarekin amaitu da lehen zatia.
Bigarren zatia hasi eta berehala, aldea handitu du Athleticek. Nekane Diezek egin du gola, 47. minutuan. Handik hamar minutura, berriz, laugarrena egin du Lucia Cordobak. Azkar erantzun dio golari Relalak. 61.ean sartu du Chini Pizarrok txuri-urdinen gol bakarra.
Azkenean, 1-4 gailendu zaio Athletic Realari, eta txuri-gorriek hirugarren postuan amaituko dute liga. Realak, aldiz, Espainiako Koparako sailkatzea lortu du.
