Athletic-Reala, Euskal Herriko Kopako finalean

FUTBOLA. Athleticek eta Realak jokatuko dute gaur Euskal Herriko Kopako finala, Beasaingo Loinaz futbol zelaian (18:00). Euskal Herria Kirolaren ekimenez, bigarren ekitaldia du txapelketa honek. Ekainean hasi ziren partidak, eta aste honetan bertan jokatu dira bi finalerdiak. Lagunak kanporatu zuen Athleticek (5-0), eta Añorga Realak (2-1).