Arnasa hartu du Athleticek gaur Granadari San Mamesen irabazita. Aritz Adurizek bigarren zatian sartutako golak garaipena eman dio talde zuri-gorriari. Horri esker, Marcelo Bielsak entrenatutako taldeak 11 puntuko zuloa egin du jaitsiera postuekiko. Beraz, aurrerapauso handia eman du mailari eusteko bidean. Ondo etorriko zaio alde hori, egutegi gogorra baitu aurretik: Real Madril, Bartzelona, Mallorca eta Levante jasoko ditu, eta Sevilla, Deportivo, Celta, Zaragoza eta Rayo Vallecanori egingo die bisita. Hala ere, gaurko garaipena lasaigarri ona da.
Futbola
Athleticek 11 puntura utzi ditu jaitsiera postuak
Talde zuri-gorriak 1-0 irabazi dio Granadari San Mamesen, Aritz Adurizek 60. minutuan sartutako golari esker.
Iruzkinak
Ez dago iruzkinik
Ordenatu
