Athleticek galdu egin ditu Mallorcaren aurkako bi kanporaketak

Espainiako Kopako final-laurdenetan Mallorcaren aurka jokatuko du Athleticek, hurrengo bi asteetan. Ilusioz gainezka daude, berriz ere, Bilbo aldean, baina datuak ezkorragoak dira. Izan ere, Kopan bi aldiz neurtu dituzte indarrak Athleticek eta Mallorcak, eta bietan Balear uharteetako taldeak irabazi du.

1997-1998ko denboraldian, final-laurdenetan orduan ere, bilbotarrek 2-1 irabazi zuten etxean, eta 1-0 galdu Mallorcan. Stankovicek sartu zuen etxekoen gola. 2006-2007 denboraldian, berriz, final-hamaseirenetan, 1-1 berdindu zuten Bilbon, eta Mallorcak 2-1 irabazi zuen gero etxean.