Athleticek tinko eutsi dio lehen postuari, Realari derbian 3-1 irabazita

Athleticek gero eta gertuago du Espainiako Superligako finala. Talde zuri-gorriak 3-1 irabazi zion herenegun derbian Realari, eta emaitza horri esker esku-eskura du titulua lortzeko azken kanporaketa jokatzea. Bi jardunaldi falta dira jokatzeko, eta Athleticek bi puntu ateratzen dizkio Espanyoli sailkapenean, eta lau Rayo Vallecanori. Hurrengo jardunaldian —apirilaren 10ean— zuri-gorriek Rayoren zelaian jokatuko dute, eta nahikoa dute partida horretan berdintzea finalean sartzeko.