Athleticeko zuzendaritzak taldean jarraitzeko "itxaropen faltsuak" eman zizkiola adierazi du Larrazabalek

Aitor Larrazabalek ez du datorren urtean Bilboko Athleticen jarraituko, zuzendaritzak Loiuko jokalariari kontratua ez berritzeko erabakia hartu baitu. Larrazabalek gaur prentsaurrean agertu duenez, zuzendaritzak beste urtebete taldean jarraitzeko "itxaropen faltsuak" eman zizkion, eta berak "egiazkoak" balira bezala hartu zituen. Larrazabalek 20 urte daramatza Lezaman, lehen taldean 14 denboraldi eman ditu eta guztira 441 partida ofizial jokatu ditu talde zuri-gorriarekin. Aitor Larrazabalek 33 urte beteko ditu ekainaren 21ean.