Hasi da atletismoa, eta hasi da atleta afrikarren erakustaldia Olinpiar Jokoetan. Horren adierazgarri izan da emakumezkoen 10.000 metroko finala; lehen bost postuak Kenya eta Etiopiako kirolarientzat izan dira.
Finalean zen Trihas Gebre euskal atleta ere, baina ez du aukerarik izan finalean aurreko postuetara gerturatzeko. 32:09.67ko denbora eginda, denboraldiko marka onena lortu du, baina 29. postuan helmugaratu da. Abailduta zegoen iritsi berritan: "Ez dakit zer gertatu zaidan".
Abailduta Trihas Gebre: "Ez dakit zer pasatu zaidan" @berria#berriarionpic.twitter.com/GVaHPJ1UuW
— Enekoitz Telleria (@EnekoitzTelle) 2016(e)ko abuztuak 12
Izango zuen zerikusirik bereziki Almaz Ayanak eta Vivian Jepkemoi Cheruiyotek ezarritako erritmoak. Kenyakoa lasterketa buruan jarri da hasiera-hasieratik, eta bitan apurtu du tropela; zortzi lagun aurretik, eta tropel nagusia atzetik. Lan erdiak eginda, Ayanak erritmoa bizkortu du, eta Cheruiyotek baino ez dio jarraitu; hark ere ez, metroek aurrera egin ahala.
Azken bizpahiru kilometroak bakarrik eta alde nabarmenarekin egin ditu etiopiarrak, eta birrindu egin du munduko errekorra: 29:17.45. Hamabost segundora heldu da Cheruiyot, eta Tirunesh Dibaba etiopiarrak osatu du podiuma.
Almaz Ayana etiopiarrak 14 segundo jan dizkio munduko errekorrari. Latza eraman duen abiadura #BerriaRionpic.twitter.com/3UCPBLLYYl
— Jon Olano (@olano_urkia) 2016(e)ko abuztuak 12
