Australian erabakiko da 125 cc-ko irabazlea nor den

MOTOZIKLISMOA. Munduko Txapelketako lehen bi irabazleak nor diren joan den asteburuan gelditu zen erabakita, Malaysian. Lorenzo izan zen irabazlea GP mailan eta Elias Moto 2 mailan. 125 cc-ko irabazlea nor izango den erabakitzea falta da bakarrik, eta bihar jakingo da hori, Australiako Phillip Island zirkuituan. Lehen entrenamendu saioetan Bradley Smith (Aprilia) izan da azkarrena.