Jose Maria Aznar PPko ohorezko presidenteak eta Espainiako Gobernuko buru ohiak (1996-2004) garbi esan du berriro Espainiako Estatuan Espainiako kirol selekzioak baino ez duela egon behar. "Espainiako selekzioak ez du estatuko beste toki batzuetakoen kontra jokatu behar. Astakeria litzateke halakorik, eta espero inoiz ez ikustea. Ikusten badugu, okerragoak ikusiko ditugu".
Cope irrati katean egin ditu adierazpenok Aznarrek, bart, eta Real Madril futbol klubeko presidentetzara ez dela aurkeztuko esan du. "Ezin dut hautagai izan. Klubeko estatutuek diote presidentegai izateko azkeneko hamar urtean bazkide izan behar duzula, eta nik bost daramatzat".
Aznarren iragarpena
"Espainiako selekzioak ez du estatuko beste toki batzuetakoen kontra jokatu behar. Halakorik ikusten badugu, okerragoak ikusiko ditugu", esan du Espainiako Gobernuko presidente ohiak.
Iruzkinak
Ez dago iruzkinik
Ordenatu
