Azpeitiko XIII. Torneoa, etxeko pilotariekin

ERREMONTEA. Bi multzotan banaturiko sei bikotek hartuko dute parte Azpeitiko XIII. Torneoan, eta parte hartzaile guztiak Azpeitikoak edo Aizarnazabalgoak dira. Torneoa hurrengo ostiralean hasiko da, Izarraitz pilotalekuan eta lau jardunaldi izango ditu. A multzoan Matxin III-Labaka, Otaegi-Ion, Etxabe II-Zubizarreta ariko dira. B-an berriz, Etxeberria IV-Aizpuru III, Zulaika-Urko eta Matxin VI-Agirrezabala. Finala ekainaren 15ean jokatuko dute.