Baionak irabazi egin du, eta Miarritzek, galdu

ERRUGBIA. Baionak eta Miarritzek modu ezberdinean ekin zioten herenegun denboraldi-aurreari. Miarritzek 19-36 galdu zuen Agenen aurka, Agileran, 19-0 irabazten hasi arren. Baionak, berriz, 17-7 irabazi zion Paueri Maulen jokaturiko partidan. Baionarrek asteazkenean izango dute hurrengo proba serioa, etxean, Ulsterren aurka. Top14a hilaren 26an hasiko da.