Baionak Miarritzeren tokia hartu du jaitsiera postuan

ERRUGBIA. Top14ko euskal taldeek postuak trukatu zituzten atzo, 19. jardunaldiaren ondoren, eta orain Baiona da azken-aurreko eta Miarritze 12. Hori bai, biek puntu kopuru bera dute. Miarritzek 38-13 irabazi zion Bordeleri, Yachviliren partida bikainari esker. Zabaltzaileak bi entsegu lortu zituen eta beste hamabost puntu ostikoekin. Baionak, berriz, 22-21 galdu zuen Racing Metroren zelaian. Baionarrak aurretik joan ziren 71. minutura arte.