Baionak salaketa jarriko du derbiko istiluengatik

ERRUGBIA. Asteartean jokatutako derbian, borroka bat sortu zen Baionako Jean Jo Marmouyet eta Miarritzeko Imanol Hariñordokiren artean. Azken horren aita zelaira sartu zen semea laguntzeko eta Marmouyetekin borrokatzeko asmoz. Gertakarien harira, Baionako Michel Cacouault presidenteak jakinarazi du salaketa jarriko duela Miarritzeren aurka eta Hariñordoki aitaren aurka. Errugbi ligak inkesta bat ireki du gertatutakoa aztertzeko.