Lars Ytting Bak-ek (Lotto) irabazi du Italiako Giroko 12. etapa, bederatzi laguneko ihesaldian sartu eta helmugarako ia bi kilometro falta zirela berak jo ostean erasoa. Amets Txurruka (Euskaltel-Euskadi) izan da aipatutako ihesaldian sartu den bat.
Bak-ek 11 segundo atera dizkie ondorengo sei lagunei —etapan zazpigarren sailkatu da Txurruka— eta beste bi txirrindulariak 40 segundo pasara ailegatu dira. Tropel nagusia, 3.34ra.
Sailkapen nagusian Joaquim Rodriguezek jarraitzen du lider. Ryder Hesjedal doa bigarren, hamazazpi segundora, eta orain hirugarren Sandy Casar gaurko iheskideetako bat dago, 26ra —etapan bigarren izan da—.
Bihar korrituko dute 13. etapa: Savona-Cervere (121 kilometro). Laugarren mailako mendate bat izango dute. Larunbatean eta igandean mendiko etapak izango dira.
Orain arteko etapak
- 1. etapa: Herning-Herning. Irabazlea: Taylor Phinney. Liderra: Taylor Phinney.
- 2. etapa: Herning-Herning. Irabazlea: Mark Cavendish. Liderra: Taylor Phinney.
- 3. etapa: Horsens-Horsens. Irabazlea: Matthew Goss. Liderra: Taylor Phinney.
- 4. etapa: Verona-Verona. Irabazlea: Garmin taldea. Liderra: Ramunas Navardauskas.
- 5. etapa: Modena-Fano. Irabazlea: Mark Cavendish. Liderra: Ramunas Navardauskas.
- 6. etapa: Urbino-Porto Sant'Elpidio. Irabazlea: Miguel Angel Rubiano. Liderra: Adriano Malori.
- 7. etapa: Recanati-Rocca di Cambio. Irabazlea: Paolo Tiralongo. Liderra: Ryder Hesjedal.
- 8. etapa: Sulmona-Laceno. Irabazlea: Domenico Pozzovivo. Liderra: Ryder Hesjedal.
- 9. etapa: San Giorgio Nel Sannio-Frosinone. Irabazlea: Francisco Ventoso. Liderra: R. Hesjedal.
- 10. etapa: Civitavecchia-Assisi. Irabazlea: Joaquim Rodriguez. Liderra: Joaquim Rodriguez.
- 11. etapa: Assisi-Montecatini Terme. Irabazlea: Roberto Ferrari. Liderra: Joaquim Rodriguez.
- 12. etapa: Seravezza-Sestri Levante. Irabazlea: Lars Ytting Bak. Liderra: Joaquim Rodriguez.
