'Balotellikeriak'

•Dirutza, zirkulazio isunetan. Etxetik ehun metrora dagoen jatetxean bazkaltzen du. Autoan joaten da, eta beti aparkatzen du gaizki. 30 aldiz eraman dio autoa gruak. 12.000 eurotik gora ordaindu ditu isunetan.

•Dardoak harrobiko jokalariei. Manchester Cityk 113.000 euroko isuna jarri zion, harrobiko jokalariei dardoak botatzeagatik.

•1.000 euro eskale bati. 25.000 euro irabazi zituen kasino batean, eta irteeran mila euro eman zizkion eskale bati.

•Tomateak eta ura. Tomateak bota zizkion Italiako Lehen Mailako entrenatzaile bati, eta ura Lehen Mailako zenbait jokalariri bilera batean.

•Milaneko elastikoarekin, Interren ari zenean. Maiz joaten zen Milanen partidak ikustera Interren ari zenean. Telebista saio batean Milanen elastikoarekin azaldu zen.

•Lau taldekiderekin borrokan. Kompany, Boateng, Tevez eta Richards taldekideekin borrokatu da entrenamenduetan.

•iPad batekin aulkian. iPad batekin harrapatu zuten aulkian Italiaren lagunarteko batean.

•Etxea erre zuen, su festa antolatuta. Festa bat antolatu zuen etxean, su festa eta guzti. Etxea erre zuen.