Kirolbet Baskoniak alde nabarmenarekin nagusitu da Delteco Gipuzkoa Basketen kontrako derbian, gaur, Gasteizen. Hasieratik jarri da aurretik markagailuan etxeko taldea, eta 16 puntuko errenta lortu du lehen laurdenean (22-06).
Talde gipuzkoarrak ez du etsi, ordea, eta kanpoko jaurtiketetan asmatzeari esker, aldea ezerezean uztea lortu du. 32-32 bernindu du markagailua.
Gipuzkoa Basketen gorakada horretan gelditu da, baina. Baskoniaren barruko gizonen lan onak aurretik jarri du etxeko taldea neurketa atsadenaldira heldu denerako (40-38).
Alde hori handitu egin du Baskoniak hirugarren laurdenean eta hamar puntu gehiagorekin egin du ia laurden osoa. Uztailaren azpian barruko gizonek egindako ekarpenak eta Gipuzkoa Basketek galdu dituen baloi kopuru altuak areagotu egin dute markagailuko tartean.
Azkenean, 85-66, Baskoniak eskuratu ditu derbiko puntuak.
