Baskoniak 63-70 irabazi dio Izar Gorriari, Belgraden, Euroligako ligaxkako 5. jardunaldiko partida. Gasteizko taldeak ez du partida ona egin, baina defentsa lanari esker lortu du hirugarren garaipena.
Baskoniak zaintza lan oso ona egin du lehen bi laurdenetan eta bederatzi puntuko aldearekin iritsi da atsedenaldira (28-37). Atsedenalditik aurrera Izar Gorriak gora egin du, Baskonia, aldiz, trabatu egin da. Faltekin arazoak izan ditu eta etxekoak aldea murriztu dute hirugarren laurdenean (48-59).
Laugarren laurdena jazarpen lasterketa izan da, eta Baskoniak irabazi du argiagoa izan delako. Izar Gorria, Guduricen eskutik, sei punturaino gerturatu da, baina Baskoniak ondo erantzun du Beaubois (16 puntu), Larkin (16 puntu) eta Voigtmannen eskutik (11). Oro har ez da partida ona izan, etenaldi askokoa.
Markagailua. 15-22, 28-37;48-59, 63-70.
