Daniele Benatti Lampre taldeko txirrindulari italiarrak irabazi du Espainiako Itzuliko lehen etapa, eta horrenbestez, sailkapen nagusiko liderraren jertse horia ere berak jantzi du.
Tropela batuta iritsi da helmugara, eta esprinean erabaki da etapa. Milram taldeko txirrindulariak beren taldekide Alessandro Petacchi irabazle izan zedin esprina prestatzen ahalegindu dira, baina, azkenean Benatti eta Freire nagusitu zaizkio. 3 ordu 43 minutu eta 9 segundo behar izan ditu Benattik Vigon (Galizia) hasi eta Vigon bertan amaitu den 153 kilometroko etapa osatzeko. Esan bezala, Oscar Freire espainiarra izan da bigarren eta Petacchi italiarra hirugarren.
Bihar ere Galizian ibiliko da Vuelta: Allarizen hasiko da eta Santiagon amaitu.
Txirrindularitza
Benatti, Vueltako lehen irabazlea
Esprinean aurrea hartu die Freireri eta Petacchiri.
Iruzkinak
Ez dago iruzkinik
Ordenatu
