Oinatz Bengoetxea buruz buruko finala jokatuko du, hilaren 28an. Leitzakoak atzerapena eskatu du, eta pilota enpresek, lIgako Epaile Bakarrarekin adostasunean, onartu egin dute. Arautegian finala jokatzeko muga hilaren 21a dela dioen arren, salbuespenezko erabaki bat hartu dute. Pilotariak aurkeztu dituen mediku txostenek egun horretan jokatzeko modua egon daitekeela diote, eta enpresek itxaron egingo diote.
Bengoetxeak ezker eskuko hatzeko goiko falangea hautsita du, eta espezialista batengana jo du gaur. Harekin hitz egin ondoren enpresetako ordezkariekin bildu da eta oniritzia jaso du. Finala Bilbon jokatuko da, eta Aimar Olaizola izango du aurkari.
