Bera Berak bide motza egin du Europan sasoi honetan. 29-27 galdu du Muratpasaren aurka Turkian eta EHF Kopatik kanporatua izan da. Joanekoaan 30na berdindu zuen etxean, eta irabazi egin beharra zeukan final-laurdenetara sailkatzeko.
Donostiako taldeak garesti ordaindu du bigarren zatiko hasiera kaskarra. Bera Bera, halere, ondo sartu da partidan, eta 24. minutuan hiru goleko errenta zuen (9-12). Hortik aurrera, baina, amildu egin da. Atsedenaldirako 12na berdinduta zeuden bi taldeak eta etxekoek hobeto ekin diote bigarren zatiari. Muratpasak 9-3ko partziala lortu du (21-15, 45. min) eta ondo kudeatu du aldea bukaerara arte.
