Bera Berak arazo handirik gabe irabazi dio Castrori

ESKUBALOIA. Bera Berak 33-22 irabazi zion atzo Castrori, aurreraturiko ABF ligako zortzigarren jardunaldiko partidan, eta oraingoz hirugarren da sailkapenean. Atsedenaldirako 18-12 irabazten zihoan, eta bigarren zatian Alba Menendezek minutu batzuk jokatu zituen,11 hilabetez min hartuta egon ondoren. Donostiako taldea sasoi betean dago etzi Anberesen aurka EHF kopari ekiteko.