«BERDINDU ETA, AHAL DELA, HOBETU»

Azken bi denboraldiak aztertuta, ez da erraza beste pauso bat ematea. Baina Euskaltel-Euskadik hazten jarraitu nahi du denboraldi honetan. Atzo egin zuten taldearen aurkezpena, Gasteizen —irudian, taldeko 23 txirrindulariak—, eta helburua «iazkoa berdintzea eta, ahal dela, hobetzea» dela azpimarratu zuten. Iaz Giroan, Tourrean eta Vueltan lortu zituzten garaipenak. Victor Cabedo, Ricardo Garcia eta Adrian Saez de Arregi dira aurtengo ziklista berriak.