Ez dirudi 0,02 segundo denbora asko denik, baina Olinpiar Jokoetan lehiatzen jarraitzearen edo etxera joatearen arteko aldea izan daiteke. Hala gertatu zaio Juan Peralta pistard nafarrari. Seigarren irten da, eta 10.055 segundo behar izan ditu 200 metro egiteko.
Maximilian Levy alemaniarra izan da hemezortzigarrena eta sailkatzeko azken postua lortu duena. Hark 10.035 segundo behar izan ditu. Jason Kenny britainiarra izan da azkarrena, eta olinpiar marka hautsi du 9.551 segundoko denbora eginda.
