Bi metro pasatxoko olatu garbiak, eta haizerik apenas

Gaur ere olatuen artean egin beharko dute arraunean arraunlariek eta patroiek. Bi metro pasatxoko olatuak daude iragarrita, eta olatu batetik bestera hamahiru segundoko tartea egongo da. Haizerik apenas espero den, eta arraunerako jator egongo da gaur. Emakumezkoen estropadan ere antzeko baldintzak egongo dira, 2,3 metroko olatuak aurreikusten baitira. Atzo goizean olatuak txikiagoak ziren, eta batetik besterako tartea ere txikiagoa zen. Olatuak hartzeko oso egoki zegoela esan zuen gaur ariko den arraunlari eta entrenatzaile batek, entrenamendua bukatu berritan. Gaurko iragarpenarekin, hirugarren kalea eskatu zuen; bestela, laugarrena.