Bi urteko zigorra Martin Fagani, dopinagatik

ATLETISMOA. Martin Fagan atletari bi urteko zigorra jarri dio Irlandako Dopinaren Aurkako Batzordeak. Pasa den abenduan lehiaketatik kanpo egindako kontrol batean eman zuen positibo Faganek, EPOarekin. Besteak beste, Pekingo Olinpiar Jokoetako maratoian parte hartu zuen, eta erronka bera zuen buruan Londreseko Jokoetarako ere.