Bide zuzena jarraitu ezinik segitzen du San Antoniok

ESKUBALOIA. Amaya Sport San Antoniok 25-22 galdu zuen herenegun Cuencan (Espainia), Ciudad Encantadaren aurka, eta denboraldi honetan bi partida jarraian irabazi ezinik segitzen du. Zorionez, sailkapenean lasai dabil, 11. postuan baita, jaitsieratik sei puntura. Ostiralean Granollers hartuko du (20:00), eta litekeena da Mindegiak eta Sluijtersek ez jokatzea, min hartuta baitaude.