Warren Barguil (Shimano) bretainiarrak aurtengo Espainiako Vueltako bigarren etapa garaipena lortu du Formigalgo gainean (16. etapa). Txirrindulariek 146 kilometro egin dituzte Graus eta Formigalko eski estazioaren artean, eta eguneko ihesaldian sartu ondoren, etapako irabazleak Rigoberto Uran (Sky) garaitu du buruz buruko esprintean.
Vincenzo Nibalik (Astana) jarraitzen du sailkapen nagusiko buruan, azken kilometroan gorriak ikusi dituen arren, eta minutu erdi galdu du garaipenerako beste faboritoekiko. Orain 28 segundoko aldea du Christopher Hornekiko (Radioshack) eta 1.16koa Alejandro Valverderekiko (Movistar).
