Bigarren Mailako buruz buruko finala gaur

PILOTA. Jon Jaunarena eta Joseba Ezkurdia izango dira aurrez aurre gaur Labrit pilotalekuan, Bigarren Mailako Buruz Buruko Txapelketako finalean. Bi pilotariek hilabete daramate jokatu gabe, min hartuta egon baitira. Irabazleak Lehen Mailakoa jokatuko du datorren urtean. Euren artekoa amaituta, Aimar Olaizola eta Oinatz Bengoetxea ariko dira, Nafarroako Lau t'erdiko Txapelketako finalerdian.