Bihar argituko da Eibarrek Lehen Mailan jokatuko duen edo ez

Bihar arte itxaron beharko dute Eibarreko agintari, jokalari eta zaleek Lehen Mailan jokatuko duten edo ez jakiteko. Eibarren, Elxen eta Espainiako Futbol Ligaren (LFP) defentsak entzunda, Eva Maria Alfageme Almenalde Espainiako Auzitegi Nazionaleko epaileak bihar emango du epaia. Aldeak 12:20an hasi dira deklaratzen. Bigarren Mailara jaisteko arriskuarekin, 18 eta 30 milioi euroko bermea eskatu dio Eibarrek Elxi, Lehen Mailan jasoko ez lituzkeen irabaziak orekatzeko. Epaia dena delakoa dela ere, ez da izango behin betikoa, helegitea jartzeko aukera egongo delako.