Bilbo, espero bezala, 2020ko Eurokopako egoitzetako bat izango da. UEFAk gaur eman du txapelketaren berri eta San Mamesek lau partida hartuko ditu: lehen faseko hiru eta final-hamaseirentako bat. UEFAk azaldu duenez, Espainiako selekzioa Eurokopa horretarako sailkatuko balitz, lehen faseko partidetako bi jokatuko lituzke Bilbon.
Txapelketa Europan barrena jokatuko da, UEFAren 60. urteurrena ospatzeko. Finalerdiak eta finala Londresen izango dira. Final-laurdenak, aldiz, Munichen (Alemania), Bakun, Erroman (Italia) eta San Petersburgon (Rusia) jokatuko dira.
Final-zortzirenak zortzi egoitzatan jokatuko dira, Bilbon, Kopenhagen, Bucaresten, Amsterdamen, Dublinen, Budapesten, Bruselan eta Glasgowen (bana). Lehen faseko partida guztiak kanporaketaren bat hartuko duten hirien artean banatuko dira, hiruna partida hartuz.
