Aspaldiko partez partez Bizkaiko hiru ontzi egongo dira Kontxako Bandera lortzeko lehian. Portugalete izan da onena sailkatze estropadan, eta harekin egongo dira Kaiku, hirugarren gaurkoan, eta Bermeo laugarren. Bermeok gorriak ikusi ditu eta ziabogatik bueltan bere onena eman behar izan du. Haiek izan dira onenak poparean.
Orio izan da bigarren sailkapenean, Hondarribia bosgarren, San Pedro seigarren —Kontxan egongo da hiru urte geroago— eta Tiran zazpigarren. Galiziarrena izango da Euskal Herritik kanpoko traineru bakarra.
Atzetik, Astillero izan da zortzigarren eta San Juan bederatzigarren. San Juan kanpoan gelditu izana izan da ezusteko handiena.
