Bjoerndalen, neguko jokoetako inoizko kirolari onena

Kostatu zaio, baina azkenean lortu du. Ole Einar Bjoerndalenek (Modum, Norvegia, 1974) lortu du hamahirugarren domina irabaztea. Gaur egin du, Sotxin (Errusia), txandakako mistoan urrea irabazita. Hala, bera da neguko olinpiar jokoetan domina gehien irabazi dituen kirolaria, hamahirurekin. Gaur arte Bjorn Daehlie herrikide eta iraupen eskiatzaile ohiarekin zegoen berdinduta hamabi dominekin. Urrezko zortzi domina, zilarrezko lau eta brontzezko bat. Horra Bjoerndalenen uzta ikusgarria. Uzta hori, hala ere, handiagoa izan daiteke, larunbatean beste domina bat irabazi baitezake txandakakoan.