120 minutu eta 22 penalti behar izan ditu Boli Kostak Afrika Kopako finala irabazteko. Golik sartu ez arren, partida bizia jokatu dute bi taldeek hasieran, eta Boli Kostako jokalariek lehen minutuetan erakutsitako nagusitasuna txikituz joan dira Ghanakoak pixkanaka.
90 minutuak hutsean amaituta, luzapena jokatu dute. Ghanak aukera argia izan du gola sartu eta kopa bereganatzeko, baina ez du aukera baliatu, eta penaltitan erabaki dute kopako garailea. Horrela ere kosta zaie berdinketa apurtzea, selekzio bakoitzak 11 aldiz jaurti behar izan baitu. Azkenean, Barry Boli Kostako atezainak penalti bat geratu eta berak jaurtitakoa sareratuta irabazi du kopa; herrialde horrek eskuratutako bigarrena.
