Hemezortzi urte pasatu dira Xabier Azkargortak Boliviako selekzioa zuzendu zuenetik, orain gipuzkoarra Boliviako entrenatzaile da berriro. Carlos Chavez Boliviako Futbol Federazioko presidenteak izendatu du gaur euskal entrenatzailea kargurako.
Chavezek adierazi du aho batez aukeratu dutela Azkargorta kargurako, hilaren hasieran postua utzi zuen Gustavo Quinteros ordezkatzeko. Azkargorta pozik agertu da bigarren aukera horrekin eta bere helburua taldea 2014ko Brasilgo Mundialerako sailkatzea omen da.
1994an AEBetako Munduko Koparako sailkatu zuen talde boliviarra hautatzaile gipuzkoarrak.
