Boston Celtics txapeldunak irabaziz ekin dio NBAko denboraldiari

Hasi da NBAko denboraldia, bart, eta azkeneko txapeldunak, Boston Celticsek, irabaziz ekin dio: 90-85 hartu du mendean Cleveland Cavaliers. Paul Pierce iazko denboraldiko jokalari onena izan da gaurko hoberena: 27 puntu. Clevelandekoa: LeBron James (22 puntu, zortzi errebote, sei asistentzia). Hamazazpigarren aldiz lortu zuen iaz titulua Bostonek, eta gaur jaso dituzte jokalariek eraztunak.

Gaur beste bi partida ere jokatu dituzte NBAn. Los Angeles Lakersek 96-76 irabazi dio Portland Trail Blazersi (Kobe Bryant eta Pau Gasol izan dira Lakerseko onenak -23 puntu eta 11 errebote aurrenak, 15 puntu bigarrenak-, Portlandekoak Travis Outlaw eta Rudy Fernandez -18 eta 16 puntu-), eta Chicago Bulls 108-95 nagusitu zaio Milwaukee Bucksi (Chicagoko onena Luol Deng -21 puntu- eta Milwaukeekoa Michael Redd -30-.).