Boston Celticsek irabazi du NBAko finaleko lehen partida

Bart hasi da NBAko finala, Boston Celtics eta Los Angeles Lakers taldeen artean, eta aurrena nagusitu da: 98-88. Partida estua izan da, Lakers joan baita atsedenera aurretik: 46-51.



Kevin Garnett (24 puntu eta 13 errebote), Paul Pierce (22 puntu) eta Ray Allen (19 puntu) izan dira Bostoneko jokalaririk onenak. Lakersekoak: Kobe Bryant (24 puntu) eta Pau Gasol (15 puntu eta 8 errebote).

Euskal Herriko astelehen goizeko hiruretan jokatuko dute bigarren partida, Bostonen berriz ere. Lau partida irabazten dituenak lortuko du NBAko titulua.