Esprinta behar zuen Giroko hirugarren etapak, baina bederatzi laguneko ihesaldia sortu da Mozambano mendatea igaro berritan, eta helmugaraino iritsi da saialdia. Bezperan lidergoa galduta, Lucinda Brandek (Rabo Liv) irabazi du etapa, esprintean, Elena Cecchiniri (Lotto) aurrea hartuta. Ia bost minuturen aldea ere izan du bederatzikoak, eta, Megan Guarnierrengandik (Boels Dolmans) 1.40 minutura egonda, liderraren maillota bera ere gertu izan du herbeheretarrak. Baina Boels Dolmansek hainbestean txukundu du eguna. Gainsarien borrokan sartuta, hamabi segundoko tartea falta izan zaio Brandi lider jartzeko. Pioltello eta Pozzo d'Adda artean, laugarren etapa jokatuko da bihar, 103 kilometrokoa.
Txirrindularitza
Brandek irabazi du Giroko hirugarren etapa
Rabo Liveko txirrindularia izan da azkarrena bederatzi laguneko ihesaldiaren esprintean. Megan Guarnierrek du atzetik lider.
Iruzkinak
Ez dago iruzkinik
Ordenatu
