Brasil Amerika Kopako finalean izango da berriro, bart Uruguairi finalerdian irabazita. Penaltietan irabazi ere (5-4), ozta-ozta.
Partidan bertan bina egin dute -ez dute gero luzapena jokatu-. Maiconek egin du 1-0eko gola Brasilentzat. Diego Forlanek jarri du banakoa, Baptistak 2-1ekoa eta Abreuk binakoa (70. minutuan). Penaltietan denera hamalau bota dituzte. Doni brasildar atezaina erabakigarria izan da, Gilbertok Brasilentzat 5-4koa jarri ondoren penaltia gelditu egin diolako Luganori.
Amerika Koparen azken sei txapelketetatik gaurko sailkapenarekin bost finalera iritsi da Brasil. Horietatik 1997an, 1999an eta 2004an irabazi egin zuen.
Igandean jokatuko da finala, eta Argentina edo Mexiko izango du kontrario. Bihar goizean jokatuko dute biok finalerdia.
Futbola
Brasil, Amerika Kopako finalera
Penaltietan irabazi dio bart Uruguairi, partidan bina egin eta gero.
Iruzkinak
Ez dago iruzkinik
Ordenatu
