Bruesak ez du Mulaomerovic fitxatuko, oraingoz

Bruesa Gipuzkoa Basketek jakinarazi duenez, Damir Mulaomerovicen fitxaketa ez du egin, oraingoz. Izan ere, jokalariari azterketa medikua egin zioten atzo, Donostiara iritsi zenean, eta giharrean edema aurkitu zioten. Hori dela-eta, orain ez fitxatzea erabaki du Bruesak. Dena dela, ez dute baztertzen aste batzuetara fitxatzea, jokalaria ondo jartzen denean.

Mulaomerovic kroaziarra da, 1,95 metro neurtzen du, eta base eta eskolta postuan jokatzen du. Olympiakos taldean ari zen jokatzen.