Brujasko eta Belgikako selekzioko futbolari bat hil da, auto istripuan

François Sterchele Brujas taldeko eta Belgikako selekzioko futbolaria hil da bart Belgikan, auto istripuan, Knokke herrira zihoala. Porsche Cayman autoan zihoan, eta zuhaitz bat jo du aurrez aurre, goizeko hirurak aldera. Fiskaltzaren lehen datuaren arabera, azkarregi gidatzen ari zen.

26 urte zeuzkan Sterchelek eta aurrelari jokatzen zuen. Lau aldiz aritu zen Belgikako selekzioarekin. Brujasen jokatu aurretik, Lieja, La Calamine, OH Leuven, Sporting Charleroi eta Germinal Beerschot taldeetako kide izan zen.

2006-2007 denboraldian Belgikako Lehen Mailako golegile nagusia izan zen, 24 golekin. Hau zuen lehen denboraldia Brujasen, eta 11 gol zeramatzan.