Hego Koreak irabazi zuen atzo Espainiaren kontra jokatutako partida; 2-1 gailendu ziren korearrak. Espainiak partida nahikoa kontrolpean eduki zuen lehen zatian, eta aldeko gol batekin amaitu zuten. Vero Boquete jokalariak sartu zuen gola, 29. minutuan.
Bigarren zatian, ordea, korearrak erraz nagusitu ziren, eta bi gol sartu zituzten, 53. eta 79. minutuetan.
Atzoko partida galduta, Espainia ez da sailkatu final-zortzirenetara. Horrenbestez, amaitu da euskal jokalarientzat Munduko Kopa. Espainiako selekzioa azkena sailkatu da egokitu zaion multzoan.
