Cabrerizo II.ak 22-15 irabazi dio Albisuri 2. Mailakoan

ESKU-HUSKA. Luis Cabrerizok 22-15 irabazi zion atzo Jon Ander Albisuri, Ataunen, eta 2. Mailako lau t'erdikoko finalerdietarako sailkatu zen. Irabazleak Jorge Ricoren aurka jokatuko du astelehenean. Ligaxka gaur hasiko da, Soraluzen, Mikel Idoate eta David Merinoren arteko partidarekin. Bestalde, Titinek eta Irujok igandeko lau t'erdiko partidarako pilotak aukeratu zituzten atzo Logroñon, eta, pilotei buruz hitz egin ez zuten arren, ez zirudien arazorik izan zenik.