Caja Laboralek 102-85 galdu du Olympiakosen etxean

Euroligako bigarren faseko lau multzoetako lehen bi taldeak sailkatuko dira final-laurdenetara eta Caja Laboral Baskoniak, nahiz eta gaur gauean galdu egin duen Olympiakosen etxean, aurten ere sailkatzeko aukera du. Jardunaldi bat falta dela, bigarren dago, eta hurrengo astean Cibona multzoko azkena hartuko du Gasteizen.

Gaur 102-85 galdu du Grezian. Lehen laurdenean nagusi izan da (22-29), baina 15. minututik aurrera Olympiakos askoz gehiago izan da. 49-45 iritsi dira atsedenera. Mirza Teletovic izan da Baskoniako onena: 23 puntu.

H Multzoko 5. jardunaldia

- Olympiakos-Caja Laboral: 102-85.

- Cibona-Khimki: 82-63 (atzo).

H Multzoko sailkapena

1. Olympiakos. 5 garaipen/porrotik ez. Sailkatuta dago.

2. Caja Laboral. 2/3 (puntu orokorreko balantzea, -18).

3. Khimki. 2/3 (eta puntu orokorreko balantzea, -24).

4. Cibona. 1/4.

Sailkatzeko sistema

- Lehen biak sailkatuko dira Euroligako final-laurdenetara.

- Garaipen-porrot berdinketa kasuan, berdindutako taldeek elkarren aurka jokatutako partidetako puntu aldea hartzen da kontuan. Caja Laboralek eta Khimkik berdinduta dute euren arteko puntu aldea: Baskoniak etxean 11 puntugatik galdu zuen Khimkiren aurka baina han 11gatik irabazi zuen.

- Ondoren, puntu orokorreko balantzea hartzen da kontuan. Baskoniak orain -18koa du, Khimkik -24koa.

Azkeneko jardunaldia, hurrengo ostegunean

- Caja Laboral-Cibona (19:15).

- Khimki-Olympiakos.