Caja Laboralek Matt Walsh hegalekoa fitxatu du, hilabeterako

Caja Laboralek Matt Walsh hegaleko estatubatuarra fitxatu du hilabete baterako. Pau Ribasen eskumuturreko lesioaren ondoren, taldea kanpoko lerroan herren samar geratzen dela agerian geratu zen Fuenlabradaren aurkako partidan, eta Josean Kerejetak gidatutako taldeak jaurtitzaile bat fitxatzea erabaki du. Walsh Murtzian jokatzen aritu da lehen hiru hilabeteetan, eta zenbaki txukunak lortu: 10,6 puntu eta 3,3 errebote. 1,97ko hegalekoa da.

Gauzak ondo, ez da Baskonian izango den azken mugimendua. Joey Dorseyk taldetik kanpo dauka hanka eta erdi, baina dirutza handia jasotzen du, 600.000 euro inguru, eta taldeak kontratua etengo balio, dirutza horren zati handia ordaindu beharko lioke. Horrez gain, Dorseyk ez du momentuz NBAko taldeen eskaintzarik jaso, eta egoera horrek Gasteizko egonaldia luzatuko du.